Essential
熟客經營，同事覆客
HK$499/ 月
每月付款
已包 500 MAC / 月
3 個同事帳戶
用 CRM、共享 inbox 同熟客回訪流程，做好每一次跟進。
- 熟客回訪同再預約跟進
- CRM 客人紀錄同分類
- 共享 inbox，由同事覆客
- 按批准名單同訊息安排跟進
- 不含 AI 自動回覆
2 次專人設定／培訓會議，代你設定、測試同上線。
揀 Essential專為預約生意而設
廣東話 + English 夾雜都明，接駁你而家用緊嘅工具
- 醫學美容
- 美容院
- 牙科診所
- 物理治療
- 中醫診所
- 獸醫診所
- 髮型 · 美甲 · 睫毛
接駁 WhatsApp Instagram DM Google Calendar 廣東話 + English 夾雜都明
痛點
你間舖，係咪都係咁？
收咗工，查詢等到第二朝
客人最想 book 嘅時間，通常係你收工之後。覆遲一個鐘，佢已經 book 咗隔籬。
做緊療程，手騰唔出嚟
同事埋緊房，WhatsApp 不停響。覆又唔係，唔覆又唔係，最後兩邊都做唔好。
同一條問題問一百次
「幾錢？」「有冇位？」「喺邊？」每日重複打，前台時間全部蝕晒喺度。
一般 chatbot 得罪客
死板選單、亂作價錢、唔識廣東話。只有 39% 香港人滿意 chatbot。差嘅 bot 仲衰過冇 bot。
No-show 同冇人返轉頭
冇提醒、冇跟進，客人做完一次就消失。想客人準時到店、自然再約，唔可以次次等佢自己記得。
訊息費用要有預算
WhatsApp 收費視乎訊息類別及供應商費率。我哋會議定用量限額同費用提示，上線前先睇清楚成本。
熟客回頭，全靠佢自己記得
新客查詢一多，就冇時間按服務紀錄提醒熟客返嚟。幾時應該再約、邊位仲未 book，靠同事逐個記。
服務做完，關心跟進就斷線
療程後關懷、回訪邀請同熟客問候，都要抽時間逐個跟。忙起上嚟漏咗聯絡，客人關係就慢慢淡咗。
39%
香港消費者滿意 chatbot（大灣區 51%）
HK$17,300
每星期漏 20 個查詢，每月大約損失嘅首次消費*
HK$12k+
請一個兼職前台嘅月薪，而且佢要瞓覺
*以 25% 成交率、首次消費 HK$800 計算：20 × 25% × HK$800 × 4.33 星期。
Lost-revenue 計算機
你每個月，因為遲覆蝕咗幾多？
拉下個掣，用你間舖嘅數字，分開試下漏接查詢同熟客回訪嘅收入空間。
以你輸入嘅成交率、消費同追回比例試算首次消費收入；未扣服務、訊息及變動成本，並非淨 ROI。兩個模式分開計，避免重複相加。
由一個回訪流程開始
熟客回訪，接到下一次預約
按客人嘅服務紀錄、已有查詢同可用空檔安排相關跟進，將現有客源接到下一次到店。
係時候再嚟，幫熟客約返下一次
按已完成服務同店舖批准嘅回訪週期，邀請合適熟客再預約，持續跟進每次返店結果。
按已完成服務同店舖批准嘅回訪週期，邀請合適熟客再預約，持續跟進每次返店結果。
我哋做得到
唔係 chatbot，係一個識做嘢嘅 AI 前台
BookDak 按你間舖嘅價錢表、預約規則同語氣度身設計，唔係一個通用機械人。
問價、問付款、問優惠，AI 即刻用地道廣東話覆，中英夾雜、錯字都聽得明。客人用英文問，就用英文答。
點解係 BookDak
我哋贏喺邊？
| BookDak | 請兼職前台 | 一般 chatbot | 外國 AI 平台 | |
|---|---|---|---|---|
| 24 小時秒覆 | ✓ | ✕ | ✓ | ✓ |
| 地道廣東話、中英夾雜 | ✓ | ✓ | ✕ | ◐ |
| 直接 book 入你個系統 | ✓ | ✓ | ✕ | ◐ |
| 核對已批准價錢及空檔 | ✓ | ✓ | ✕ | ◐ |
| 醫療 / 投訴自動轉真人 | ✓ | ◐ | ✕ | ◐ |
| 香港團隊面對面跟進 | ✓ | ✓ | ✕ | ✕ |
| PDPO 私隱合規設計 | ✓ | ◐ | ◐ | ◐ |
| 每月成本 | HK$499 起（AI 前台：HK$999 起） | HK$12,000+ | 平但蝕客 | USD 計 + 自己搞 |
廣東話質素
我哋有一套真實香港客人講法嘅測試庫，每次上線前都要過關。
賣結果，唔係賣軟件
我哋用「幫你追返幾多 booking」嚟衡量自己，唔係用功能數目。
上線前議定私隱安排
敏感問題轉真人、限制資料存取，並記錄供應商設定及資料保存期限。
點樣開始
10 日，由設定到正式上線
- 1
第 1–3 日
設定 AI 前台
整理價目表、FAQ 同預約規則，接駁系統，調校成你嘅語氣。
- 2
第 4–7 日
真實情境測試
用常見客人問題試答、試 booking、試轉真人；你確認，我哋再微調。
- 3
第 8–10 日
正式上線，跟進調校
開始接待客人，上線初期密切跟進，持續改善回覆同預約流程。
資料、帳戶權限齊備及標準接駁確認後，目標 10 日內上線；較複雜需求會先確認時間表。Essential 設定以同事回覆及跟進流程為主。
方案同收費
由熟客回訪，到 AI 前台
揀適合你間舖嘅工作方式，再按每月活躍聯絡人計用量。每個付費方案都包專人落地：設定、測試、培訓同上線。
MAC 按所有分店合計，分店數量唔另計費。揀預計用量，比較各方案月費；低於方案內用量亦按該方案基本價計。
Pro
AI 接住對話，直接預約
HK$999/ 月
每月付款
已包 1,000 MAC / 月
5 個同事帳戶
2 個標準接駁
Essential 全部功能，加廣東話 AI 前台同標準接駁。
- Essential 全部功能
- 24 小時廣東話 AI 覆客同批准價目報價
- 查位、直接預約同敏感問題轉真人
- 2 個支援嘅 Calendar / Sheets 標準接駁
- AI 同同事共用客人對話紀錄
3 次專人設定／培訓會議，落地 AI 資料、接駁、預約同真人交接。
免費試用 ProPremium
進階流程，專人深入落地
HK$1,999/ 月
每月付款
已包 3,000 MAC / 月
10 個同事帳戶
4 個標準接駁
Pro 全部功能，加跨系統自動化、進階流程同到店付款成效。
- Pro 全部功能
- 4 個支援嘅標準接駁
- 3 項進階流程設定
- 到店及付款成效紀錄／報告
- 上線後 60 日專人調校
- 辦公時間優先廣東話支援
4 次專人設定／培訓會議，由進階流程到團隊使用一齊落地。
傾吓 Premium專人幫你落地，已包喺方案內
唔使自己摸索設定，亦冇另收一次性設定費。資料、權限同支援接駁確認齊備後，標準流程按 10 日安排上線。
代你完成設定
整理已批准資料，設定 CRM、回訪流程同方案內嘅系統接駁。
用真實情境測試
一齊驗收覆客、預約、跟進同轉真人流程，按你嘅回饋調整。
培訓同正式上線
教同事接手同日常使用，確認後上線；Premium 再包專人跟進調校。
MAC 點樣計？
MAC 即每月活躍聯絡人。同一個已識別客人喺同一帳單月，經 inbox、AI、流程或 API 收發一對一訊息，都只計一位。純粹儲存嘅聯絡人，同未有回覆嘅單向群發唔計。
- 同一位客人問價、再預約、再收提醒：同月只計 1 MAC。
- WhatsApp 同 Instagram 已合併成同一客人身份：同月只計一次；未合併就分開計。
- 匯入通訊錄但冇互動，或者群發後對方冇回覆：唔計 MAC。
生意大咗，按用量加就得
超出已包用量，每 100 MAC 為一組：月繳加 HK$49 / 月；年繳按每月 HK$39 等值計。加購或額外收費前會先取得你同意。
Meta 訊息費、所需託管同外部軟件費按實際另計，開始前講清楚。新開發、自訂接駁同範圍以外工作另行報價。
查看試用及服務條款Pro 免費試用 · 14 日
用你間舖嘅資料，試真個 AI 前台
每間合資格商戶可試一次。由批准上線起，試用 Pro 最多 14 日或 100 MAC，以先到者為準。專人幫你設定一個標準預約流程，試過滿意先揀付費方案。
- 標準設定、AI 同範圍內訊息免費
- 唔使信用卡、按金或另付設定費
- 試用後明確同意先開始付費
申請 Pro 免費試用
先確認名額、帳戶相容性同試用範圍。上線前測試唔計用量；到期或達上限會停止試用自動服務，已有預約保留。
BookDak 解決方案
由廣東話 AI 客服到 AI 自動預約同數據分析，揀你最關心嘅一樣睇。
- AI 客服BookDak AI 客服系統：WhatsApp 24 小時秒覆客人、報價、預約，敏感問題自動轉真人。專為香港美容院、醫美同診所而設，免費 Demo。了解更多
- 廣東話 AI 客服唔係書面語翻譯腔！BookDak 廣東話 AI 客服識中英夾雜、懶音、錯字同潮語，WhatsApp 24 小時用地道廣東話覆客同預約。香港團隊，免費 Demo。了解更多
- AI 預約 / 自動 BookingAI 自動預約系統：客人喺 WhatsApp 問價、揀時間，AI 即時查空檔直接落 booking，自動提醒減少 no-show。接駁 Google Calendar 同你現有預約系統。了解更多
- WhatsApp AI 客服WhatsApp AI 客服：用官方 WhatsApp Business Platform，24 小時自動回覆、報價同預約，敏感問題轉真人。幫你設計慳訊息費嘅流程，免費 Demo。了解更多
- AI Chat / ChatbotBookDak AI chat 聊天機械人：唔係死板 chatbot，識理解客人自然講法，用廣東話對話、報價、預約，唔識就轉真人。香港預約型生意專用，免費 Demo。了解更多
- AI 分析 / 數據報告BookDak AI 分析：每月報告話你知回覆時間、AI 自己處理咗幾多查詢、帶嚟幾多 booking、邊間分店最忙。用數據睇成效，唔再靠估。了解更多
行業方案
每個行業嘅預約同查詢都唔同，揀返你嘅行業睇 BookDak 點幫你。
常見問題
你可能想問
免費試用點樣安排？
+
我哋先確認帳戶相容性同範圍，再設定 Pro。由批准上線起，免費試用最多 14 日或 100 位每月活躍聯絡人（MAC），以先到者為準。唔使信用卡，到期或達上限就停止，唔會自動收費。你確認續用先收月費 HK$999，或年繳折合 HK$799／月；標準實施已包括，冇一次性設定費。
BookDak 係咩？同普通 WhatsApp 自動回覆有咩分別？
+
BookDak 係一個廣東話 AI 前台（AI receptionist），唔係死板嘅關鍵字自動回覆。佢識理解客人用自己方式講嘅問題，報價、查空檔、直接幫客人 book 時間入你嘅系統，遇到敏感問題就連摘要轉畀真人。
個 AI 講廣東話似唔似人？
+
我哋每個部署都用真實香港客人嘅講法做測試，包括中英夾雜、懶音、錯字同潮語。上線前會用真實情境測試，你逐句睇住 AI 點覆、確認再微調，滿意先正式開。
AI 會唔會亂作價錢或者時間？
+
價錢同空檔會對照你已批准嘅資料，唔肯定嘅要求會轉畀同事。我哋會喺上線前測試議定嘅預約規則，但唔保證 AI 零錯誤；你嘅團隊需要保持資料準確，並處理轉交個案。
客人問皮膚問題、療程效果點算？
+
AI 一律唔會答醫療或療程相關問題（例如濕疹、敏感、術後反應），會即刻轉畀你嘅專業同事，設高優先，並講清楚幾時會有人覆。
可以接駁我哋現有嘅預約系統嗎？
+
Pro 包括已支援嘅 Google Calendar／Google Sheets 標準接駁。Premium 可處理議定嘅進階跨系統流程，各方案唔按分店數量計費；我哋會先確認 API、權限、預約規則同相容性，再列明接駁範圍。
客人想同真人傾點算？
+
客人隨時打「轉真人」就得。AI 會即刻停手，將對話、原因同建議交畀同事，同事喺同一個 inbox 接手，唔使客人由頭講過。
要幾耐先用得？
+
資料、帳戶權限齊備及標準接駁確認後，目標 10 日內上線：設定 AI 前台、真實情境測試、正式上線同跟進調校。Essential 以同事回覆及跟進流程設定為主；較複雜需求會先確認時間表。
WhatsApp 訊息費點樣計？
+
免費試用範圍內嘅訊息費由 BookDak 承擔。轉付費後，Meta 同外部平台費另計，由你按實際成本直接支付；訂用前會確認當時費率、訊息類別、目的地、用量及費用上限。
客人資料安全嗎？會唔會攞去訓練 AI？
+
上線前會透過資料處理協議議定用途、已批准供應商、處理地點、存取權限、保存、刪除及事故處理。供應商嘅訓練與保存設定會核對並記錄，對話紀錄按議定期限保存。
除咗 WhatsApp，仲支援咩平台？
+
主力 WhatsApp Business Platform，已包括 Instagram DM。同一個 AI、同一套規則，兩邊一齊覆。
識唔識講英文同普通話？
+
識。預設廣東話，客人用英文或普通話問，AI 會用返同一種語言覆，特別適合有旅客客源嘅醫美診所。
適合咩行業？
+
最適合以預約為主嘅生意：醫學美容、美容院、牙科、物理治療、中醫、獸醫，以及髮型、美甲、睫毛工作室。
收費幾多？有冇合約期？
+
Essential 月繳 HK$499、Pro HK$999、Premium HK$1,999；年繳折合月費分別 HK$399、HK$799、HK$1,599，按年預繳。所有付費計劃包括標準實施，冇一次性設定費。Pro 可申請最多 14 日或 100 MAC 免費試用。月繳取消須提前最少 7 日通知；年繳於已付款年度完結時停止。
可以申請政府資助嗎？
+
政府計劃推出加強版數碼轉型支援先導計劃，涵蓋 AI 方案。計劃一開放，我哋會準備符合資格嘅方案，歡迎先登記查詢。
仲有問題？ 直接問我哋 →